geschichte
L servisc soziel fova de utl nce ti ani '90 per garantì inant na bela atività . Te chëi ani iel unì fat truepa de bela mostres de livel aut, p.ej. von Oskar Dariz, Kurt Ryslavy, Hugo Vallazza und Truepes d’autres. Daujin ala mostres metova la Lia Mostra d'Ert nce a jì cuncorsc de mujiga, de ert o design yn iede monce n lincant. Sëuraprò pitova l Circolo Werkstätten d'uni sort: de cujiné, de rampinelé y nsci inant. L festival dl teater yl Cineforum, che à bele abù suzes ti ani '80, trajova truepa jënt nce tl dejené nuef.
Tl local di jëuni, che fova bele unì metù su ti ani '80 y che fova la sënta dl Filmclub, fòvel for truep jëuni che s'ancuntova a fé juesc d'uni sort, a cialé films, a s'la ciaculé oa se Bier Zeche. L Circolo ova perchël na funzion soziela mpurtanta dantaldut per i jëuni. Do che l ie unì metù su la Nëus Jëuni Gherdëina, à chësta lia scumencià a cuordiné l'atività cun y per i jëuni. Permò te n segondo mumënt à la NJG scumencià nstëssa a pité manifestazions. Datrai unìvel metù a jì scumenciadives per i jëuni n cunlaurazion cun l Circolo.
Ntan l tëmp da carnescià unìvel metù ora na cronica ironica dl ann. L bal dla mascres, che fova for n merdi de carnescià , trajova adalerch jënt da dut Südtirol. La jënt se purvova dassënn a fe la mascres, ajache chiche ova la plu bela mascra pudova jì pea debant pra n viac dl Circolo. Per chisc viages culturei se scrijova for ite truep nteressei.
Permez ai ani '80 unìvel ti ani '90 metù a jì manco mostres, ma perchël plu cunzerc, de chëi chel se cruziova dantaldut Patrick Obletter. N gran suzes à dantaldut abù l Rockfestival, che univa urganisà tla Cësa di Cungresc uni ann ntan na sëira de jené dal 1998 inant. Chësc Festival, che fova la majera manifestazion dl Circolo, à abù n gran suzes y da ann a ann unìvel plu jënt. N l ova metù a jì cin' ani ndlauuter, für cun plu cumedia. L ultimo ann à n monce metù su na grupa de lëur aposta, che se cruziova dl festival. Davia che l ie pona unì fat lëures de restruturazion pra la Cësa di Cungresc, ne n'à n nia plu metù a jì chësc festival.
Nteressantes fova nce la „Chaoswochen“, che univa urganisedes uni ann d'autonn. L fova na variazion de mujiga y cabaret.
Tl 1998 à tan che dut l cunsëi lascià , mé Patrick Obletter y Lukas Malsiner à fat inant. L ie ruvà n valgun jëuni tl Circolo. Davia che te chëi ani iel unit a mancë jënt che fajova l servisc soziel, fòven sfurzei a fé mpue' na mëndra atività . Purempò iesen stac boni de nvië via n valguna mostres drët nteressantes. La mostres fova dantaldut d'instà , ajache d'inviern fòvel mpue' n problem pervia dl sciaudamënt.