Mëisa turonda Architetura tradiziunela vs. moderna
mierculdì, ai 23.02.2011 dala 20:30
Dan n valgun mënsc à i Freiheitlichen y la SVP de Urtijëi purtà dant na mozion sun chemun che vëij dant, che n possa mé plu frabiché te n stil tradiziunel, y che pruibësc i tëc plac. A Urtijëi ie la mozion passeda, te Sëlva, ulache la ie ënghe unida purteda dant, nia. La minonghes va adalerch y la descuscions ne n’à nia mancià.
La Lia Mostra d’Ert deberieda al KulturForumCultura mët sën a jì na mëisa turonda sun la cuestion dl’architetura, nvian ite esperc y uemes de chemun a rujené dl argumënt. L sarà prejënc: Dr. Leo Andergassen (diretëur dla repartizion 13 - Bëns culturei), Dr. Umberto Tecchiati (presidënt dla lia „Italia Nostra - Sudtirol“ che se cruzia dla scunanza dla cuntreda), Dr. arch. Thomas Demetz, i cunselieres de chemun Martin Kofler (Die Freiheitlichen) y Raimund Irsara (Lista Urtijëi).
Moderation: Dr. Mateo Taibon
![](https://static.wixstatic.com/media/8e5547_ce84a01abc97473590f14f23bb926b4c~mv2.jpg/v1/fill/w_147,h_98,al_c,q_80,usm_0.66_1.00_0.01,blur_2,enc_auto/8e5547_ce84a01abc97473590f14f23bb926b4c~mv2.jpg)