Mostra di fotografie/Fotoausstellung Matthäus Kostner - „Meetings“ 24.04 - 09.05.2010 10.00 - 12.00 ~ 17.00 - 19.00 Vernissage: venerdì - freitag 23.04.2010 ore 20.30 Uhr Introduzione - Einführung: Danila Serafini
Te si prima mostra persunela se prejënta Matthäus Kostner al publich de Gherdëina cun doi series de fotografies, che nasc da nvenzions tecniches defin urigineles. Pra la prima serie, ntituleda meeting point – post de ancunteda, mët l artist una sëura l’autra cënt y passa fotografies de viac, crian nsci cumposizions astrates de culëures y lumes che recorda n’opra pitorica. Te chisc chedri viv la cuntredes y i prutagonis? dla fotos mé te nosta fantajia, ma tl medem tëmp nes lascia i truep pitli tòc nmaginé l viac y l viajadëur che se ascuend tl mosaich da culëures. La segonda serie - ntituleda Anti-pano-portraits – ie fata cun n aparat da fé fotos tradiziunel, pra chël che l obietif se raida te n mez cërtl. Te chësta serie uel l artist nrescì tres na tecnica drët particulera l mus dla persona. Matthäus Kostner à te si opres dat su l’ogetività dla fotografia, ma tres la pusciblteies tecniches dla fotografia al crià na forma de esprescion criativa defin nueva. L’ert dla fotografia à nsci cris y abinà n raport nuef danter realtà y sozietà.
