Expo/Puhin
Prejentazion dl Puhin - numer speziel metù adum dai sculeies dl Lizeum d’Ert Cademia
Nia da crëier! Nia da crëier che l ie bele passei trëi ani, da canche l ie unì dat ora l prim numer dl Puhin. N 50 persones che à laurà pea, 15 numri unic ora nchin sën, passa 600 plates de tesc, fotos, caricatures, paroles ncrujedes, ntervistes doples, y ades 1.342 fai de stampa... N curt: l fova gran ëura de purvé ora n troi nuef! La redazion dl Puhin se à perchël mpensà de ti dé tla mans un n numer dla zaita ai sculeies dl Lizeum d'Ert, che cun l aiut di maestri à metù adum, dala prima al'ultima, chësta 60 plates de criatività. 60 plates de aria frëscia che fej bon a nëus dla redazion dl Puhin y a nosc letëures. Per i sculeies na puscibltà de udëi mpue coche nasc na zaita, y de udëi n iede fosch sun blanch i resultac de si mpëni.
Ve nvion de cuer ala prejentazion dla zaita „Puhin“ y ala giaurida dla mostra di sculeies dl Lizeum d’Ert „Cademia“
Wir laden Euch herzlich zur Präsentation der Zeitschrift „Puhin“ und zur Eröffnung der Ausstellung der Schüler des Kunstgymnasiums „Cademia“ ein
Siete cordialmente invitati alla presentazione della rivista „Puhin“ e all’inaugurazione dell’esposizione degli alunni del Liceo Artistico „Cademia“
lun 04.06.2012 - jue 07.06.2012
Vernissage 04.06.2012, h 16:30
Tl self dla lia Mostra d'Ert
Kommentare